Kryetari i Kamenicës paralajmëron ndërtimin e stadiumit të KF Kika – Hogosht!
Kreu i Komunës së Kamenicës, Kadri Rahimaj, papandehur, kur askush nuk priste, ka ndarë me publikun e gjërë të komunës së Kamenicës e Anamoravës, madje tri lajme të shumëpritura, por të papritura në momentin aktual!
Bëhet fjalë për tri projekte infrastrukturore të paralajmëruara për t’u ndërtuar, stadiumi i KF Kika nga Hogoshti, klub ky me traditë të gjatë e ndër kryesorët në kontinuitetim e aktiviteteve garuese gjysmëshekullore të Kamenicës.
Vlera e këtij projekti do të arrijë shumën 1.6 milonë euro, ndërsa sipas tij – një gjë e tillë tashmë është konfirmuar nga ministri Hajrullah Çeku, i cili mësohet se e ka mbështetur këtë ide e projekt.
Klubi i Futbollit Kika nga Hogoshti duket se ka qenë ‘shënjestër’ e synimeve investuese nga kreu i komunës, i cili ka origjinë nga fshati fqinjë – Kopërnica, ndërsa ka kryer një pjesë të shkollimit në këtë lokalitet, në Hogosht, për ç’gjë po dëshmohet konsistent që të kontribuoj sa më shumë, duke pasur parasysh që rreth klubit Kika dhe tifozërisë së saj janë të lidhur skajshmërisht e emocionalisht hogoshtasit dhe qytetarët e fshatrave dhe lokaliteteve përreth! Shih për këtë, Rahimaj ka konfirmaur se KF Kika do të përfitoj edhe një fushë sintetike së shpejti, në të cilën ka thënë se punimet janë duke u zhvilluar me kontinuitetin e tyre të paraparë, kurse ‘sihariq’ përmbyllës për klubin nga Hogoshti, sipas tij do të jetë gjetja e sponsorit të garantuar, një kompani vendore nga Gjilani, e cila ka marrë përsipër financimin e edicionit të ardhshëm dhe mbarëvajtjen e garave të kësaj skuadre me nam në këto treva.
P o s t i m i i p l o t ë
A jeni gati për tri super lajme📣🤩?
1) Në vitin 2023 në vlerë prej 1.6 milionë euro po e ndërtojmë stadiumin modern🏟️ për Klubin Futbollistik Kika, i financuar nga MKRS me Ministër z. Hajrulla Çeku, të cilin e falënderojmë shumë për mbështetjen e dhënë🙏.
2) Punimet në fushën sintetike janë duke vazhduar suksesshëm dhe kanë marrë formën e duhur✅.
3) Klubi Kika në vitin e ardhshëm do ta ketë sponsor📈 gjeneral kompaninë Teuta-M nga Gjilani.
Nuk do të lejojmë që të shuhen talentet⚽, për mungesën e përkrahjes nga institucionet.
