Kryetari i FC Drita i reagon zyrtarëve të FFK-së, i cilëson “tedenciozë!”
Njëri nga pronarët e klubit të Futbollit Drita nga Gjilani, Valon Murseli, përmes një shkrimi në profilin e tij ka shfaqur hapur pezmin e mllefin ndaj zyrtarëve të FFK-së, të cilët sipas tij e kanë vlerësuar skuadrën, FC Drita, “pa yje” të futbollit!
Këtë reagim Murseli e bëri pas një periudhe të gjatë c’prej se FFK zgjedhë yllin e javës së futbollit të Kosovës, gjegjësisht Albi Mall Superligës, i cili komision vlerësues, ironikisht nuk përcaktohet të zgjedhë një futbollist nga FC Drita, mbase prej shumë kohësh, përkundër rezultateve të jashtëzakonshme e paraqitjeve mbresëlënëse!
“Më shumë se një vit sipas Federatës së futbollit të Kosovës FC DRITA nuk ka “yje”. Është e papranueshme një qasje e tillë kaq tendencioze e zyrtarëve të FFK-së ndaj lojtarëve tanë. Kemi zhvilluar aq shumë ndeshje, shumë prej tyre ndeshje derbi ku rëndom në ligat më të forta ylli i javës nxirret nga ndeshjet derbi dhe zyrtarët e FFK-së nuk kanë “yje” për ti dhënë lojtarëve të FC DRITA”, ka shkruar Murseli në faqen e tij.
Ai më tej ka theksuar e vënë në spikamë se zyrtarët e FFK-së, pas kësaj deklarate do të lirohen “nga presioni”, për të vijuar e mos i konsideruar futbollistët e FC Drita, sikurse deri më tani.
“ Po e shohim të rrugës që t’i lirojmë nga presioni ata”zyrtarë” të FFK-së, që tash e tutje, ashtu sic nuk i kanë konsideruar asnjëherë lojtarët tanë, mos t’i konsiderojnë as në vazhdim të kampionatit sepse “ylli juaj” nuk i bënë as më shumë e as më pak yje lojtarët tanë”, ka shkruar Murseli I indinjuar.
Ai në fund ka theksuar se “Ata (Lojtarët) janë YJE në momentin që bartin fanelën e DRITËS”, përkundër vlerësimeve të zyrtarëve të FFK-së.
