Kryetari Hyseni takoi kampionët:Fortesa Oranën, Vlera Qerimin dhe Betim Maliqim
Kryetari i Komunës së Gjilanit, Alban Hyseni, ka prit kampionët (karateistët): Fortesa Orana, Vlera Qerimi dhe Betim Maliqi që fituan medalje në Kampionatin Evropian për Senior në Yerevan të Armenisë nga 7 deri më 11 maj 2025, ku dhe zunë vendin e tretë në Evropë.
Kryetari i Komunës së Gjilanit, tha se: kisha kënaqësinë të pres tre kampionët tanë gjilanas që na bënë krenarë në Kampionatin Evropian: Fortesa Orana, Vlera Qerimi dhe Betim Maliqi.
Sipas tij me medaljet e tyre, nderuan Gjilanin dhe Kosovën në arenën ndërkombëtare.
“Jemi të lumtur që si komunë i kemi mbështetur financiarisht për garat përgatitore drejt Kampionatit Botëror dhe do të vazhdojmë t’i përkrahim në çdo hap”, tha Alban Hyseni.
I pari i Gjilanit, faleminderoi kampionët.
