Kryetari Hyseni i ka shprehur ngushëllime familjes Gagica, me rastin e vdekjes së muzikantit, Florim Gagica
Lajmi për vdekjen e muzikantit e punëtorit të Teatrit të Qytetit në Gjilan, për vite me radhë, ka prekur thellë qytetarët mbarë e vecmas familjarët e komunitetin artistik.
Në mesin e shumë ngushëllimeve që po i arrijnë familjes së Florim Gagicës së ndjerë, ishte edhe dedikimi i kreut te Komunës së Gjilanit Alban Hyseni, i cili në emër të Komunës së Gjilanit, gjegjësisht në cilësinë e kryetarit të Komunës, është solidarizuar me familjen e të ndjerit, për ta inkurajuar që ta përballoj këtë humbje të madhe.
“Me dhimbje të madhe mora lajmin për ndarjen nga jeta të Florim Gagicës, punëtor shumëvjeçar i Teatrit të Gjilanit dhe një artist i përkushtuar që la gjurmë të pashlyeshme në kulturën e qytetit tone”, ka shkruar Hyseni.
Ai më tej ka theksuar se Florimi do të kujtohet për dashurinë e tij ndaj artit, për kontributin e tij të çmuar në skenën kulturore dhe për afërsinë e ngrohtësinë që e shpërndante te secili.
“Në emrin tim dhe të Komunës së Gjilanit, i shpreh ngushëllimet më të sinqerta familjes Gagica, kolegëve dhe gjithë komunitetit artistik. I përjetshëm qoftë kujtimi për të!”, ka shkruar Hyseni, në profilin e tij në rrjete sociale.
