Kryesia e KF Kika qëndron në Zvicër, merr përkrahjen e bashkatdhetarëve Hogoshtas për klubin e zemrës!
Gjatë ditës së sotme një delegacion i përbërë nga drejtues të KF Kika nga Hogoshti, ka qëndruar në Zurich t Zvicrës, ku janë pritur nga drejtues shoqatash e bashkëathdetarë tjerë në shtetin helvetik, e që vijnë nga Hogoshti dhe rrethina, shkruan Tv Gjilani.
Sic merret vesh, qëllimi i takimit ka qenë gjetja e mënyrës për mbështetjen e KF Kika, klubit të traditës së Komunës së Kamenicës dhe mbara Anamoravës e më gjërë, para fillimit të përgatitjeve, për edicionin e ri të garave 2025/2026, të Ligës së Parë Unike të Futbollit të Kosovës.
Sipas njoftimit, mësohet se drejtuesit e klubit me z. Naim Bicku, kryetar dhe bashkëpuntorë të tjerë nga kryesia, janë pritur ndërsa takimi është vlerësuar i suksesshëm.
Takimin në Zvicër e përmbyllëm me sukses së bashku me anëtarët e Shoqatës Humanitare “Hogoshti”, si dhe me ndërmarrësin Musa Leci, i cili na priti në zyrat e tij. E falënderojmë për mikpritjen dhe mbështetjen e dhënë”, thuhet në njoftim.
Më tej bëhet e ditur se është formuar një grup punues me disa bashkëtdhetarë të devotshëm,, cilët ejetojnë e veprojnë në Zvicër, disa nga të cilët madje në të kaluarën kanë veshur edhe fanelën e skuadrës, e të cilët do të merren në të ardhmen me organizimin e bashkëtdhetarëve për mbështetje permanente, si domsdo e rrethanave të reja të krijuara në futbollin e Kosovës, krahas ngritjes së cilësisë adekuate ndër vite e edekada të fundit.
“Gjatë këtij takimi u dakorduam që të krijohet një grup punues në Zvicër në mbështetje të KF Kika. Po ashtu, u mor vendimi që për Zvicër të caktohen këta anëtarë: Bekim Ahmetaj; Veton Sermaxhaj; Shemsedin Biqkaj’ Rexhep Latifaj, të cilëve u janë dhënë kompetenca të plota për të vepruar në të mirë të klubit”, thuhet në njoftim publik.
Se si do të zhvillohen aktivitetet në të ardhmen, mbetet të shihet. Porse është evidente fakti se kjo nismë e KF Kika është një hap i avancuar i kësaj skuadre dhe kryesisë së saj, dhe si I tillë pritet të gjejë përkrahje masive nga hogoshtasit e shumtë që jetojnë e ve[projnë në vendet e treta, Zvicër, mbase edhe Gjermani e gjetiu.
Hogoshtasit janë të lidhur më shumë se emocionalisht me këtë klub, aq më shume janë të lidhur emocionalisht gjeneratat e mëhershme, sidomos ato tashmë të mesme, të cilët përvec emocioneve të vendlindjes, me klub e zemrës u lidhen edhe “ëndërrat” rinore e fëmijërore, sin ë bngat e shkollës fillore ashtu edhe asaj të mesme, pasi klubi Kika, gjatë viteve 80-të e 90-të të shek. XX-të nuk ishte vetëm një klub i zakonshëm, por ishte krenaria e Hogoshtasve, Kamenicës, Anamoravës e mbarë Kosovës e më gjërë, përfshirë Preshëvën e Bujanocit, si dy komuna nga të cilat gjithnjë ka pasur talent futbolli që e kanë pasur derën hapur tek KF Kika!
