KRU Hidromorava – Viti: – Ekipet po punojnë për pastrimin e ujit pas ndodjes nga reshjet
KRU Hidromorava në Gjilan, dega në Viti, ka njoftuar konsumatorët se janë duke punuar në sanimin e dëmeve të shkaktuara në Pellgun “Gërqarica” nga reshjete fundit.
“Si pasojë e reshjeve të shumta në Pellgun e Lumit Gerqarica, kemi konstatuar se kapaciteti prurës i gypit në kaptazh për shfrytëzim të ujit të pijshëm në Fabrikën e Përpunimit të Ujit në Letnicë është zvogëluar ndjeshëm për shkak të sasisë së madhe të llumit që është deponuar rreth tij”, thuhet veç tjerash në njoftim.
Njoftimi i plotë nga KRU Hidromorava
NJOFTIM PËR KONSUMATORËT E KOMPANISË SË UJËSJELLËSIT “HIDROMORAVA” NË KOMUNËN E VITISË
Me këtë njoftim, dëshirojmë të ju informojmë në lidhje me zhvillimet e fundit në sistemin tonë të furnizimit me ujë të pijshëm.
Si pasojë e reshjeve të shumta në Pellgun e Lumit Gerqarica, kemi konstatuar se kapaciteti prurës i gypit në kaptazh për shfrytëzim të ujit të pijshëm në Fabrikën e Përpunimit të Ujit në Letnicë është zvogëluar ndjeshëm për shkak të sasisë së madhe të llumit që është deponuar rreth tij.
Ekipet teknike të kompanisë sonë në Viti, gjatë ditës së djeshme, kanë ndërmarrë masa emergjente për të garantuar që konsumatorët të vazhdojnë të furnizohen me ujë të pijshëm me cilësi të lartë dhe të sigurtë. Procesi i pastrimit është realizuar me kujdes dhe përkushtim për të rritur kapacitetin e prurjes në FPU Letnicë dhe për të stabilizuar furnizimin me ujë të pijshëm për konsumatoret tanë.
Ne jemi të përkushtuar që të sigurojmë që nevojat e konsumatoreve për ujë të pijshëm të plotësohen në mënyrë të qëndrueshme dhe cilësore.
