KRU Hidromorava – Sh.A. Gjilan: Njoftim për mundësinë e pagesave online për faturat e ujësjellësit
Të nderuar Konsumatorë: – Me kënaqësi dëshirojmë t’ju njoftojmë se KRU “Hidromorava” po ndërmerret me përpjekje të vazhdueshme për të përmirësuar shërbimet ndaj konsumatorëve tanë.
Nisur nga muaji dhjetor, ju keni mundësinë e re për të kryer pagesat e faturave të ujësjellësit tuaj në një mënyrë më të thjeshtë dhe efikase, duke përdorur aplikacionet e bankave të licencuara në Kosovë dhe sistemin skano dhe paguaj.
Procedura është e thjeshtë dhe sigurohet se do t’ju lehtësojë procesin e pagesës së faturave. Duke skanuar barkodin e faturës tuaj, të cilën keni obligim të paguani, ju do të identifikoni dhe konfirmoni faturën në mënyrë të shpejtë dhe të sigurtë.
Për ata që nuk kanë qasje në aplikacionet e bankave, gjithashtu keni mundësinë të kryeni pagesën duke përdorur numrin referent të disponueshëm në faturën tuaj. Kjo do t’ju mundësojë të identifikoni dhe të paguani faturën tuaj duke përdorur informacionin e dhënë më parë. Ju lutemi të shënoni saktë numrin e referencës (i shënuar poshtë faturës) gjatë procesimit të pagesës Online.
Ne jemi të bindur se ky inovacion do të rrisë lehtësinë dhe efikasitetin e procesit të pagesës për të gjithë konsumatorët tanë.
Nëse keni pyetje shtesë apo nevojë për ndihmë, ju lutemi të na kontaktoni në numrin e ofruesit të shërbimit të ujësjellësit.
Gjithashtu, ju rikujtojmë se forma e pagesës së faturës së ujit përveq procesit të lartëcekur mund të realizohet në të gjitha sportelet e KRU “Hidromorava”, si dhe mund të realizohet në të gjitha bankat e licencuara në Kosovë, Institucionet Financiare Jo-Bankare dhe agjensionet për transfer parash, (Posta e Kosovës, Unioni Financiar , Capital, Ibas, Moneta dhe Vllesa).
Ju falenderojmë për bashkepunimin dhe besimin tuaj në KRU “Hidromorava”, shpresojmë se ky ndryshim do të sjellë më shumë efikasitet dhe lehtësi në procesin e pagesës së faturave të ujit.
Vazhdojmë me pune dhe përkushtim për të siguruar një përvojë sa më të kënaqshme dhe të përmirësuar për gjithë ju, konsumatorë tanë të nderuar!
