Kreu i degës së AAK-së në Gjilan sjell një emër të dëshmuar për Zgjedhjet e 12 tetorit – Gagica: “Gjilanit i duhet një Kuvend funksional, i duhet Xhevat Bekteshi”
Kreu i degës së AAK-së në Gjilan sjell një emër të dëshmuar për Zgjedhjet e 12 tetorit – Gagica: “Gjilanit i duhet një Kuvend funksional, i duhet Xhevat Bekteshi”
Ai ka shkruar se Xhevat Bekteshi është emër i njohur i veprimtarisë kombëtare dhe angazhimeve të hershme për liri e shtetndërtim.
Nazim Gagica:
“Xhevat Bekteshi është emër i njohur i veprimtarisë kombëtare dhe angazhimeve të hershme për liri e shtetndërtim.”
“Që nga ditët e para, pjesë e Aleancës për Ardhmërinë e Kosovës, ai ka qenë gjithmonë në shërbim të interesit publik.”
“Me përvojë të pasur në institucionet më të larta të shtetit – nga shef kabineti në Zyrën e Kryeministrit,drejtor departamentesh ,ideator e përpilues i projekteve, i moduleve profesionale në strategji vendore,përpilues nënligjesh e rregullativave profesionale e deri te angazhimet e sotme në institucionet e larta arsimore – Xhevati përfaqëson përgjegjësi, dije dhe përkushtim.”
“Që nga themelimi i tij, Kuvendit Komunal të Gjilanit i ka munguar zëri i Xhevat Bekteshit. Tani është koha që ky zë i arsyes, dijes dhe angazhimit të palëkundur , të bëhet pjesë e legjislativit lokal.”
“Livoqi përfaqësohet denjësisht përmes Xhevat Bekteshit. Ai është alternativa më e mirë për përfaqësim të ndershëm e vizionar. Na priftë e mbara!”, ka shkruar Gagica.
