Kreu i AAK-së, mirënjohje për veprimtarin kulturor të viteve 90-të, Shaban Shabani
Nazim Gagica, kryetar i degës së AAK-së në Gjilan, gjatë vizitës që i ka bërë veprimtarit kulturor të dalluar të viteve 90-të, Shaban Shabani, i ka ndarë edhe një mirënjohje falënderimi për kontributin e tij, në funksion të mbajtjes gjallë të jetës kulturore të asaj periudhe.
“Sot vizitova veprimtarin e madh të kulturës, Shaban Shabani, me ç’rast ndava mirënjohje falenderimi për kontributin e jashtëzakonshëm dhënë në fushën e kulturës e sidomos në vitet e ’90-a, rrethana këto kur aktivitetet kulturo-artistike ishin një nga instrumentet kyçe krahas atyre arsimore e politike të kohës, për tu përballur me regjimin e atëhershëm”, ka shkruar Gagica në faqen e tij në fb.
I pari i degës së AAK-së, me tej i ka bërë një rikapitulim veprimtarive kulturore të viteve 90-të, në të cilën periudhë sipas tij, Shaban Shabani u vlerësua promotor i të gjitha veprimtarive të fushës së kulturës, me theks të vecantë veprimtarive nga arti muzikor.
“Shaban Shabani ishte promotor i këtyre aktiviteteve artistike duke qenë pjesë dhe bartës i çdo organizimi që bëhej aso kohe që nga ‘Flaka e Janarit’, koncerteve e deri te festivali i parë në Kosovë, ‘Gurra Popullore’,në vitet 90-ta, e që me vonë mori karakterin e festivalit ndërkombëtar. Udhëhoqi me shumë shoqëri kulturore si: ansamblin “Studenti”, “Dardania” dhe ansamblin “Gurra”, duke qenë jo vetëm përfaqësues të artit nga komuna jonë por edhe duke sjellë rezultatet më të mira nga pjesëmarrja në festivale kombëtare e ndërkombëtare që veshtirë mund të arrihen më”, ka skruar Gagica.
Ai poashtu theksoi se veprimtari të tilla dhe përgatitja e artistëve që nxorri nëpër ato evente, i cilësoi si emra të njohur të artit jo vetëm në Kosovë por edhe në Maqedoni.
“Andaj sot bashkë me nënkryetarin Ibish Ibishi dhe kolegun Fazli Berisha, falënderuam për krejt këtë angazhim e kontribut të pazëvendësueshëm dhe uruam për jetë të gjatë e me shëndet pranë familjes, kolegëve e miqve të shumtë”, përfundoi Gagica në faqen e tij në facebook, ndërsa e falënderoi z. Shaban shabani.
