KQZ fillon programin trajnues për mbi 8 mijë anëtarë të Këshillave të Vendvotimeve për raundin e dytë të zgjedhjeve
Në kuadër të përgatitjeve për raundin e dytë të Zgjedhjeve Lokale për Kryetarë të Komunave, që do të mbahen më 9 nëntor 2025, KQZ ka filluar me trajnimin e anëtarëve të Këshillave të Vendvotimeve që do të angazhohen në ditën e zgjedhjeve.
Programi trajnues do të zhvillohet në 18 komuna të Republikës së Kosovës dhe ka për qëllim të përgatisë më shumë se 8,000 anëtarë me njohuri të plota për detyrat dhe përgjegjësitë e tyre gjatë procesit zgjedhor.
