Kosova U19 mposhtet nga Portugalia në Botërorin në Egjipt
Kombëtarja U19 e Kosovës në hendboll e ka zhvilluar të martën ndeshjen e pestë në Kampionatin Botëror “Egjipti 2025”.
Pas dy fitoreve rresht Kombëtarja jonë u mposht nga Portugalia me rezultat 41:29.
Që në nismë portugezët bënë shkëputje në rezultat dhe mbajtën epërsi deri në fund.
Përpjekjet e djemve tanë nuk munguan, megjithatë këtë herë nuk ishte e mjaftueshme.
Amar Muqolli i shënoi nëntë gola për Kosovën, kurse Olsi Mulaj i kishte tetë.
Katër gola i realizoi Suad Pajaziti.
Tani Kombëtaren tonë e presin dy ndeshjet e fundit për plasman përfundimtar.
IHF / Kolektiff / Jure Erzen
