Konjufca: Përkulemi para atyre që u vranë nga Serbia vetëm pse ishin shqiptar
Kryetari i Kuvendin në seancën solemne të përvjetorit të 16 të pavarisw ka vlerësuar të gjithë ata që kontribuuan për këtë ditë.
I pari i Kuventi tha se Kosova duroi shumë e gjatë, deri kur bota demokratike u bind se kemi të drejtë e kur bota e pa që populli i Kosovës më parë e jep jetën për liri, sesa i nënshtrohet Serbisë.
“Shteti ynë sot i mbushi 16 vite, gëzuar të gjithëve” – tha kryetari, Glauk Konjufca.
Kryeparlamentari tha se 17 shkurti është dita e frymëzimit, prandaj duhet të përkulemi para atyre që dhanë jetën për liri.
“Përkulemi para atyre që u vranë nga Serbia vetëm pse ishin shqiptar. Në themelin e shtetit tonë qëndron heroizmi i Jasharajve, urtësia e Ibrahim Rugovës e ideali i Adem Demaçit” – tha Konjufca.
Ai shtoi se i kemi në zemër të gjithë ata që nuk ju trembën burgjeve, ata të cilët nëpër demonstrata i dolën përball tankeve e policëve të Serbisë, minatorët e studentët, profesorët, intelektualët e akademikët, aktivistët e veprimtarët ekonomik të cilët nuk kursyen asgjë për Republikën e Kosovës.
“I kujtojmë po ashtu deputetët e 2 korrikut e 7 shtatorit, por mbi të gjitha i përkulemi popullit tonë të pamposhtur. Në këtë frymë të lirisë u edukuam vet, dhe në më këtë frymëzim do t’i rrisim fëmijët tanë”.
“Nuk i harrojmë miqtë tanë pa të cilët rruga jonë do të ishte e pamundur, veçanërisht SHBA-në dhe shtetet e BE-së. gjithashtu edhe NATO-n që e ndali gjenocidin e Serbisë në Kosovë.”, ka potencuar Konjufca.
