![Konjufca flet për audio-incizimin e Kusari-Lilës: Nuk ka tradhti kombëtare](https://tvgjilani.com/wp-content/uploads/2024/06/Glauku-850x478-1-1.jpg)
Konjufca flet për audio-incizimin e Kusari-Lilës: Nuk ka tradhti kombëtare
Kryetari i Kuvendit të Kosovës, Glauk Konjufca ka folur rreth audio-incizimit ku dëgjohet shefja e Grupit Parlamentar të LVV-së, Mimoza Kusari-Lila duke biseduar me kryekriminelin Milan Radoiçiq.
![](https://tvgjilani.com/wp-content/uploads/2024/04/vali-ranch-2.jpg)
Konjufca u shpreh se nuk ka asnjë pikë dyshimi në orientimin dhe qëndrueshmërinë kombëtare të Kusari-Lilës.
Ai tha se nuk dyshon për tradhti kombëtare të Kusari-Lilës në këtë rast.
“Sa i përket çështjes së Kusari-Lilës, po flas për të si deputete e jo si anëtare e koalicionit që ka partneritet me LVV. Nuk kam asnjë dyshim në orientimin dhe qëndrueshmërinë kombëtare të zonjës Kusari-Lila pra nuk kam asnjë dyshim për tradhti kombëtare apo çfarëdo të kësaj natyre”, tha Konjufca.
![](https://tvgjilani.com/wp-content/uploads/2023/11/libertas2.jpg)