Konfirmon FIFA: Maluma dhe Myriam Fares do të performojnë në hapjen e Kampionatit Botëror në Katar
Ka tash e sa kohë që përflitet për hapjen e madhe të Kampionatit Botëror 2022, i cili starton këtë të diel më 20 nëntor.
Mes shumë emrave të përfolur për të kënduar në ceremoninë e madhe hapëse, shumë prej tyre i refuzuan ftesat.
Spoti promocional
Këngëtarja Shakira thuhet se ka hedhur poshtë ftesën për të performuar në hapje ndërsa e shumëpërfolura Dua Lipa tha se as nuk ka qenë e negociuar që të performojë.
Dua Lipa në Ligën e Kampionëve 2018 (Foto: AP)
Artistja shqiptare madje shkoi aq larg sa tha që nuk do të shkojë në Katar, pas kritikave që ky shtet nikoqir i kampionatit ka marrë për mos-respektim të të drejtave të njeriut.
Sido që të jetë, të enjten faqja zyrtare e FIFA-s në Facebook njoftoi artistët që tashmë janë konfirmuar që do të interpretojnë në ceremoninë hapëse.
Ata do të jenë këngëtari kolumbian me famë botërore, Maluma, dhe këngëtarja e famshme libaneze Myriam Fares.
“Le të fillojë festa! Fifa Fan Festival hapet më 19 nëntor në një hapje madhështore, Maluma dhe Myriam Fares po e nisin atë me stil në Al Bidda Park”, thuhet në njoftimin e FIFA-s.
