Koncert festiv në Kamenicë për 18-vjetorin e Pavarësisë së Kosovës

Orkestra Frymore e Kamenicës së bashku me artistë, solistë të vegjël dhe valltarë të grupit të baletit, argëtuan publikun në koncertin e organizuar me rastin e 18-vjetorit të Pavarësisë së Republikës së Kosovës.

Koncerti i organizuar nga Drejtoria e Kulturës, mblodhi shumë qytetarë e familjar. Të pranishëm ishin Kryetari i Komunës, Kadri Rahimaj, Nënkryetarja Arta Bajralia, Kryesuesja e Kuvendit Komunal, Arbnore Beqiraj-Fera, si dhe zyrtarë të tjerë komunalë.

Performancat e fëmijëve, interpretimet e solistëve, paraqitja e Orkestrës Frymore, si dhe performanca e artistes Nazmije Demolli, u pritën me duartrokitje të ngrohta nga publiku.

Nën ritmet festive, organizatorët e koncertit uruan të pranishmit për këtë përvjetor të 18-të të Pavarësisë së Kosovës, duke theksuar rëndësinë e kësaj date për vendin.