Komuna e Gjilanit shpërndanë qanta për fëmijët nga familje me asistencë sociale

Drejtoria e Arsimit në Gjilan (DKA), ka shpërnda çanta për kategorinë e fëmijëve me asistencë sociale në Gjilan, projekt i bashkëfinancuar nga komuna dhe Islamic Relief Kosova.

Lajmin e ka publikuar në faqen e tij në rrjete sociale, kreu i Komunës së Gjilanit, Alban Hyseni i cili ka mbështetur këtë nismë të DKA-së, në prag të vitit të ri shkollor 2023/2024.

“Shpërndarja e çantave dhe materialeve shkollore për 200 fëmijë të familjeve me asistencë sociale, nxënës nga klasa e parë deri të pestën. Ne iu dëshirojmë një vit të mbarë dhe të suksesshëm në vitin e ri akademik të gjithë nxënësve”, ka shkruar Hyseni.

Ai ka falënderuar organizatën Islamic Relief Kosova për bashkëfinancimin e këtij projekti, të cilët tha se bashkë me komunën “kontribuan që të shohim sot kaq shumë buzëqeshje në fytyrat e këtyre fëmijëve.”