Komuna e Gjilanit: Rinovimi i palestrës së sportit, në Gjilan po vazhdon me intensitet të lartë
Po vazhdojnë punimet për riparimin e palestrës së sporteve, ku pritet që ky objekt të marr një pamje krejtësisht tjerë, si brenda, po ashtu edhe jashtë, shkruan faqja zyrtare e Komunës së Gjilanit, përcjell TV Gjilani.
Kryetari i Komunës së Gjilanit, Alban Hyseni, tha se: rinovimi i palestrës së sportit “Bashkim Selishta”, në Gjilan po vazhdon me intensitet të lartë.
Sipas tij, aktualisht po punohet në pjesën e jashtme të objektit, përfshirë rrethimin e tribunave dhe sistemimin e hapësirës përreth.
I pari i Gjilanit, tregoi se ndërkohë, dritaret dhe fasada e jashtme janë në prodhim dhe pritet të montohen së shpejti.
“Ky projekt po realizohet me përkushtim, si investim në sportin lokal dhe të ardhmen e të rinjve të qytetit”, tha kryetari Alban Hyseni.
