Komuna e Gjilanit me iniciativë të veçantë për festat e fundvitit -“Kënaqësi n’fundvit”
Për festat e fundvitit, Komuna e Gjilanit, po realizon një aktivitet të veçantë, me qëllim që festa të jetë sa më bukur.
Kryetari i Komunës së Gjilanit Alban Hyseni, tregon se Komuna e Gjilanit, për këtë fundvit ka ndërmarrë një iniciativë të veçantë për t’i dhënë qytetit një atmosferë edhe më festive dhe më të bukur.
I pari i Gjilanit, tha se si pjesë e traditës sonë të përbashkët të festimit të fundvitit, këtë vit komuna po sjell aktivitetin “Kënaqësi n’fundvit”.
“Me këtë organizim synojmë që festat e fundvitit të mbeten ashtu siç i kemi njohur ndër vite: të mbushura me gëzim, ngrohtësi dhe momente të paharrueshme për të gjithë. Le ta bëjmë këtë fundvit edhe më të veçantë, së bashku”, tha kryetari Alban Hyseni.
