Komuna e Gjilanit do të fillojë subvencionimin e ruajtjes së pemëve dhe perimeve të kultivuara nga fermerët
Gjilan, 28 shtator 2023 – Komuna e Gjilanit për herë të parë në nivel vendi, do të fillojë subvencionimin e ruajtjes së pemëve dhe perimeve të kultivuara nga fermerët gjilanas, ka thënë kryetari i Gjilanit, Alban Hyseni, pas marrëveshjes së nënshkruar me pronarin e ASK-Food, Erton Namani.
“Ruajtja e pemëve dhe perimeve do të bëhet në kompaninë lokale ASK-Food, për arsye se është e vetmja kompani e cila posedon frigoriferët me teknologjinë ULO (Oksigjen të kontrolluar), në të cilët mund të bëhet ruajtja në kohëzgjatje deri në 6 muaj”, tha ai.
“Përmes marrëveshjes së nënshkruar sot, kompania garanton në ruajtjen e pemëve dhe perimeve me cilësinë e njejtë si në ditën e dorëzimit të produkteve dhe se pesha e lejuar e humbjes gjatë ruajtjes në frigoriferët me teknologjine ULO është 2-3%. Komuna për fermerët”, ka shtuar kryetari i Gjilanit.
