Kompanitë gjigante ndërpresin lidhjet me Rusinë (lista).
Gjiganti i mobiljeve IKEA ndaloi përkohësisht operimin në Rusi, duke përfshirë mbylljen e dyqaneve dhe ndalimin e burimeve të tij nga vendi, si dhe nga Bjellorusia, duke iu bashkuar kështu një liste në rritje të kompanive si SAP, Spotify dhe Oracle që po distancohen nga Rusia pas pushtimit të vendit.
Lista e kompanive dhe çfarë kanë bërë ato:
-Volkswagen pezulloi prodhimin e automjeteve në qytetet ruse Kaluga dhe Nizhny Novgorod dhe ndaloi eksportet në vend.
-Mercedes-Benz po pezullon eksportin e makinave dhe furgonëve në Rusi dhe po ndalon shitjen në vend.
-Kompania e softuerëve SAP njoftoi se po ndalon biznesin në Rus, po pezullon shitjet e produkteve dhe shërbimeve në vend.
-Spotify mbylli çdo linjë ruse për një kohë të pacaktuar dhe ndoqi shembullin e drejtuesëve të teknologjive të tjera, si Google dhe Apple.
– H&M tha të mërkurën se dyqanet e saj në Ukrainë janë mbyllur përkohësisht për arsye sigurie dhe kompania ka ndaluar përkohësisht shitjet e saj në Rusi.
-Netflix ndaloi prodhimin dhe blerjet e katër projekteve ruse.
-EA Sports njoftoi të mërkurën se ka filluar të heqë kombëtaren ruse dhe klubet ruse nga video lojërat e saj FIFA “në solidaritet me popullin ukrainas”.
-Honda pezulloi eksportet e makinave dhe motoçikletave të saj në Rusi
-Nike ka çaktivizuar blerjet e produkteve online në Rusi pasi nuk mund të garantojë shpërndarjen te klientët në vend.
-Ford njoftoi të martën se po pezullonte furgonin e tij komercial JV në Rusi “deri në njoftimin e mëtejshëm”.
-Në një postim në blog të martën, Snap, kompania mëmë e Snapchat, tha se platforma sociale ka ndaluar shfaqjen e reklamave në Rusi, Bjellorusi dhe Ukrainë.
-Një zëdhënës i BMW tha se kompania “do të ndalojë prodhimin dhe eksporti lokal për tregun rus deri në njoftimin e mëtejshëm” dhe tha se prodhuesi i makinave luksoze “dënon agresionin kundër Ukrainës”.
-Drejtuesit e Meta-a thanë të martën se postimet nga media shtetërore ruse nuk u rekomandohen më përdoruesve nga algoritmi i Facebook dhe së shpejti nuk do të jenë më as në Instagram.
-Adidas tha të martën se po pezullon partneritetin e saj me Unionin Rus të Futbollit, duke e ndalur partneritetin shumëvjeçar midis programit të futbollit dhe prodhuesit më të madh të veshjeve sportive në Evropë.
-Maersk, një nga linjat më të mëdha të transportit në botë, pezulloi dërgesat drejt dhe nga Rusia të martën, përveç furnizimeve ushqimore, mjekësore dhe humanitare, duke përmendur ndikimin e sanksioneve.
-YouTube bllokoi të martën kanalet e operuara nga mediat e financuara nga shteti rus.
