Kjo është situata, si dhe komunikata e FC Drita, pas “dorëheqjes së parevokueshme” nga ish-trajnerit, Arsim Thaqi
I pari i bankinës së FC Drita, trajneri Arsim Thaqi, ka dhënë dorëheqje të parevokueshme nga posti i trajnerit.
Sipas komunikatës së FC Drita në faqen zyrtare, ish trajneri Thaqi ka qenë ai që ka insistuar në dorëheqje, pas barazimit të skuadrës në ballafaqimin e së dielës kundër Dukaagjinit në Klinë, që për pasojë ndikoi në humbjen e kreut të tabelës, apo lidershipit të skuadrës gjilanase ne tabele, të cilën ia ‘rrëmbeu” përcjellësi i parë – FC Ballkani.
Në fakt kjo situatë e krijuar në renditjen tabelare, kur kanë mbetur vetëm edhe shtatë javë deri në fund të kampionatit ia ka komplikuar skajshmërisht puntë skuadrës së Drites për aspiratën permanente të saj për titull, gjatë gjithë rrjedhës së edicionit 2022/2023.
TV Gjilani ka insistuar të mësoj më shumë lidhur me zhvillimet e fundit, si nga Kryesia e Klubit ashtu edhe tanimë ish-trajneri Arsim Thaqi, porse një gjë e tillë ka qenë e pamundur, pasi zyrtarët e lartë të skuadrës kanë qenë të paqasshëm, sikurse që ka qenë i paqasshëm edhe ish-trajneri Thaqi.
Ndërsa është mësuar jozyrtarisht se ditëve në vijim do të ketë një konferencë, në vazhdën e konferencave të zakonshme të skuadrës!
Se cilat do të jenë zhvillimet e mëtejmë në skuadrër, mbetet të shihet në ndërkohë, gjatë ditëve në vijim, ndërsa KF Drita është më se e qartë që do të ketë punë të vështirë në situatën aktuale për të rikthyer pozitën e liderit, sikurse edhe angazhimin e një trajneri me eksperiencë, që do të merrte përsipër “barrën’ e përgjegjësisë, për (mos)suksesin eventual, i cili (mos)sukses lidhet ngushtë me aspiratën kryesore, tituulin e kampionit për edicionin 2022/2023 në Albi Mall Superligën e Kosovës në Futboll!
Njoftimi i KF Drita për “dorëheqjen e parevokueshme” të trajnerit Arsim Thaqi, në faqen zyrtare të skuadrës.
Arsim Thaçi jep dorëheqje të parevokushme
Trajneri Thaçi e ka ofruar dorëheqjen pas barazimit në ndeshjen e fundit kundër KF Dukagjinit.
I pa kënaqur me rezultatet e deritanishme, treneri Thaqi sot kërkoi takim me kryesin e klubit për ofruar dorheqjen e tij.
Pas shumë diskutimiteve kryesia e klubit i ofroj trenerit mbeshtetje për vazhdimin e rrugetimit drejt synimit të klubit por që treneri ishte i vendosur për këtë vendim dhe kryesia e klubit u detyrua ta respektoj vendimin e trenerit Arsim Thaqi për të ja pranuar dorëheqjen.
Klubi jonë FC DRITA e falënderon trenerin Thaqi për bashkëpunimin tejet korrekt dhe profesional duke i dëshiruar shumë suksese në vazhdim të karrierës.
FC DRITA⬜️🟦
