KF Tërnoci, “vulë” e futbollit të Anamoravës, organizoi takim për të bashkuar gjeneratat e yjeve të kësaj treve
Janë takuar futbollisrtët e gjeneratave të ndryshme të klubit të Futbollit “Tërnoci” nga Tërnoci i Bujanocit, në vazhdën e aktiteteve të shumëta që po zhvillohen gjithandej trojeve etnike, në këtë periudhë të vitit që korrespodon me ardhjen e mërgimtarëve për pushim në vendlindje.
Klubi i Futbollit Tërnoci, nga Tërnoci i Komunës së Bujanocit, për dekada me radhë ka nxjerrë futbollistë të jashtëzakonshëm, cilësorë e të spikatur, autoritativ e kontributdhënës kudo që kanë luajtur, e të cilët kanë lënë gjurmë të pashlyeshme në futbollin e kësaj treve, por edhe shumë më gjërë, madje në hapësirën mbarëkombëtare, nëpër skuadra me nam që i kanë dhënë ‘vulë’ mëvetësisë së futbollit të Kosovës gjatë viteve 90-të e më tej.
Nga kjo vatër e futbollit kanë dalur emra të shquar që kanë luajtur përvec për skuadrën e tyre të vemdlindjes, edhe për KF Kika, KF Drita, KF Gjilani, si edhe nëpër ekipet tjera të Superligës së Kosovës e asaj të shqipërisë.
E në rrafshin ndërkombëtar mjafton të përmenet emri i Berat Xhymshitit që bartë barrën mbase kryesore për vite të tëra në fanelën e Kombëtares kuqezi, sikurse edhe Napolit, pastaj emra të tjerë të shquar, si Galip Taipi, Fatmir Ademi, Femi Fejzullahu, Izeir Taipi, Burhan Sejdiu, Nexhati Ramizi (i ndjerë) , Rexhep Adili – Rexha (i ndjerë), pastaj trajneri i mirënjohur Sedat Pajaziti, e shumë e shumë futbollistë tjerë të shquar të gjeneratave të ndryshme.
“Duke iu falenderuar iniciativës së Fatmir Ademit, sot u takuam me gjeneratën e vitit 1983/84 e cila kishte riorganizuar klubin pas 5 vitesh ndërprerje të aktivitetit. U shpaluan shumë kujtime nga ajo kohë dhe u diskutuan shumë plane e projekte për të ardhmen. Me të vërtetë këshillat dhe sugjerimet nga ata të cilët kanë lënë gjurmë të pashlyera në KF Tërnoci janë të mirëseradhura”, ka shkruar faqja zyrtare e KF Tërnoci.
