Këta janë dy personat e plagosur sonte në Prishtinë
Darsej Morina dhe Olsi Podvorica janë dy të plagosurit në natën e sontme në Prishtinë pas një përleshje me disa persona të tjerë që ndodhen ende në arrati pas këtij incidenti.
Kështu raportojnë mediat online duke iu referuar burimeve të sigurta nga kryeqyteti. Gjithnjë sipas burimeve, deri te zënka mes tyre ka ardhur pas mosmarrëveshjeve me të dyshuarit tjerë që kishte pasur Podvorica.
Nga po këto burime mësohet se edhe më herët palët e përfshira kishin pasur përleshje mes vete. Të plagosurit janë në gjendje stabile dhe janë duke marrë tretman mjekësor në QKUK. Derisa, siç raportohet, njëri nga ta është i plagosur me armë zjarri, ndërsa tjetri me mjet të mprehtë.
