KEDS: Era la pa rrymë një numër të caktuar të konsumatorëve
Kompania Kosovare për Distribuim të Energjisë Elektrike në Kosovë (KEDS), ka njoftuar se si rezultat i erërave të forta janë dëmtuar përçues elektrikë dhe shtylla elektrike në disa vend.
Si pasojë e kësaj, KEDS thotë se kanë mbetur pa furnizim me energji elektrike një numër i konsumatorëve.
KEDS-i ka njoftuar se ka shtuar ekipet në terren në mënyrë që të sanojnë dëmet e shkaktuara.
“Erërat e forta që filluan dje në disa rajone të Kosovës, kanë vazhduar edhe sot thuaja në tërë territorin e Kosovës.Kërkojmë mirëkuptimin e konsumatorëve tanë në këto zona të afektuara nga erërat dhe shpresojmë se në një afat sa më optimal gjendja me furnizim me energji elektrike do të kthehet në normalitet”, thuhet në njoftim.
