Katër talentë nga shkolla e futbollit të FC Prishtinës nënshkruajnë kontrata profesionale
FC Prishtina ka nënshkruar kontrata profesionale me katër futbollistë premtues nga shkolla e saj e futbollit: Reis Paci (2007), Lorik Mehmeti (2008), Lorian Fazliu (2007) dhe Skifter Mustafa (2007).
Këta lojtarë janë pjesë e pandashme e ekipit U19 të Prishtinës, ndërsa shpeshherë grumbullohen edhe me skuadrën e parë, duke dëshmuar potencialin dhe seriozitetin e tyre në rrugën drejt futbollit profesionist.
Ky hap i klubit tregon qartë se FC Prishtina ka si një nga qëllimet kryesore zhvillimin dhe promovimin e lojtarëve të rinj, të cilët mund të kontribuojnë jo vetëm për ekipin e parë, por edhe në kombëtaren e Kosovës.
