Kamenicë: – Rahimaj: “Rinori, një nga përfituesit e grantit komunal”
Kryetari i Komunës së Kamenicës Kadri Rahimaj së bashku me zyrtarin nga Drejtoria për Zhvillim Ekonomik dhe Diasporë Edon Dërmaku kanë vizituar pikën grumbulluese të Rinorit, një djalë ambicioz e me vizion në fushën e të bërit biznes.
“Përpos pikës grumbulluese tek e cila vazhdon puna, Rinori ndau me ne edhe idetë e tij për zgjerimin e këtij biznesi”, ka thënë Kryetari Rahimaj.
Ai ka shtuar gjithashtu se makina klasifikuese e përfituar në kuadër të grantit komunal, do të shtoj kapacitetin dhe vende të reja pune.
Kryetari Rahimaj është shprehur i lumtur që mbështetja tek bizneset po jep rezultate të qarta.
