Ka përfunduar ndërtimi i urës në Koretin
Në një postim në rrjete sociale, kryetari i Komunës së Kamenicës, Kadri Rahimaj ka njoftuar se ka përfunduar ndërtimi i urës në Koretin.
“Edhe një kërkesë të kahmotsme të banorëve të Koretinit, i kemi dhënë përgjigje”, ka thënë Kryetari Rahimaj.
Sipas kryetarit Rahimaj, investimi në këtë urë ka arritur vlerën 83,000 euro dhe është një investim i plotë nga Komuna e Kamenicës.
Rahimaj tha më tej se ura në fjalë, është ndërtuar sipas standardeve të përcaktuara dhe nevojave edhe për personat me nevoja të veçanta.
Rahimaj poashtu ka bërë të ditur se do të vazhdojë me realizimin e projekteve të tjera infrastrukturore e të ngjashme.
