Juan Camilo Mesa vishet bardh e kaltër
Qendërmbrojtësi, Juan Camilo Mesa do të jetë lojtar i ri i FC Drita, pasi ka nënshkruar me klubin pretendent e me aspirate për titull, FC Drita.
Lajmi është bërë i ditur përmes faqes zyrtare të klubit në rrjete sociale.
“Kemi kënaqësinë të ju njoftojmë që kemi arritur marrëveshje për transferimin e kolumbianit Juan Camilo Mesa”, thuhet në njoftimin zyrtar të klubit gjilanas të futbolli, FC Drita.
Mesa luan në pozitën e qendërmbrojtësit dhe së fundmi ishte pjesë e Dinamo City nga kampionati shqiptar. Lojtari është pritur nga drejtori sportiv, Valon Zymberi i cili i dëshiroi mirëseardhje në klubin tonë.
“Mesa ka nënshkruar marrëveshje me klubin për një vit e gjysmë dhe do të jetë me ne deri në qershor të 2025”, thuhet në njoftimin e klubit gjilanas.
