Ish Presidentja, Vjosa Osmani: Ratifikimi i marrëveshjes për Bordin e Paqes, moment historik për Kosovën
Ish-presidentja e Kosovës, Vjosa Osmani, e ka cilësuar si moment historik ratifikimin e sotëm në Kuvend të marrëveshjes për anëtarësimin e Kosovës në Bordin e Paqes.
“Është një hap i madh që forcon subjektivitetin tonë ndërkombëtar dhe e vendos Republikën e Kosovës aty ku e meriton: krah për krah me Amerikën dhe në mesin e shteteve që kontribuojnë për paqen globale,” tha Osmani.
Ajo kujtoi ndërhyrjen amerikane të vitit 1999: “Ishin Tomahawk-ët amerikanë që çanë errësirën dhe ndalën makinerinë gjenocidale serbe mbi popullin tonë. Ishte Amerika ajo që qëndroi në anën e drejtësisë, kur ne kishim më shumë nevojë se kurrë për shpresë dhe shpëtim.”
Osmani falënderoi SHBA-të dhe Presidentin Trump për besimin dhe ftesën që Kosova të jetë shtet themelues i Bordit të Paqes.
