Ish-Presidenti i Kosovës, Fatmir Sejdiu, takohet në Tiranë me Presidentin e Shqipërisë Bajram Begaj
Në një postim/njoftim në rrjete sociale, ish-Presidenti i Kosovës Fatmir Sejdiu, ka njoftuar se me Presidentin Begaj kanë biseduar në lidhje me zhvillimet e tashme dhe ato të së ardhmes, në të dyja shtetet, Kosovë e Shqipëri.
“Presidentit Begaj i urova detyrën e të parit të vendit duke i dëshiruar suksese në angazhimet për progresin e përgjithshëm të Shqipërisë dhe duke e falënderuar po kështu për mbështetjen për Republikën e Kosovës dhe perspektivën Euro-Atlantike të saj”, ka shkruar Sejdiu.
Njoftimi
Një takim i përzemërt me Presidentin e Republikës së Shqipërisë Sh.T. Bajram Begaj.
Me Presidentin Begaj patëm një bisedë përmbajtësore për zhvillimet e tashme dhe të ardhshme të Shqipërisë dhe Kosovës.
Presidentit Begaj i urova detyrën e të parit të vendit duke i dëshiruar suksese në angazhimet për progresin e përgjithshëm të Shqipërisë dhe duke e falënderuar po kështu për mbështetjen për Republikën e Kosovës dhe perspektivën Euro-Atlantike të saj.
