Interi fiton derbin ndaj Milanit dhe shpallet matematikisht kampion i Serie A
Inter ka shënuar fitore me rezultat 2-1 në ‘San Siro’ ndaj Milanit, në atë që njihet ndryshe si Derby della Madonnina duke siguruar kështu matematikisht titullin e 20-të të Serie A.
Golin e epërsisë për ‘Nerazzurrët’ e shënoi në minutën e 19-të Francesco Acerbi, i cili pas ekzekutimit të rivënies këndore shënoi me kokë për 1-0 në cepin e djathtë të Mike Maignan.
Francesco Acerbi WIDE OPEN goal! Benjamin Pavard fantastic flick for the assist. 🇮🇹⚽️ pic.twitter.com/0vul58fiIx
— Inter Xtra (@Inter_Xtra) April 22, 2024
Milani nuk tregoi shumë në këtë pjesë të parë, përveç një rasti të Rafael Leaos në minutën e 29-të por gjuajtja e tij ishte shumë e lehtë për t’u ndalur nga Yann Sommer.
Interi pati edhe një mundësi të mirë shënimi në minutën e 38-të, por goditja e Marcus Thuram u ndal nga shtylla.
Nerazzurrët’ nuk u ndalën së tentuari për të gjetur golin e dytë, dhe iu afruan atij përsëri në minutën e 40-të kësaj radhe me Henrikh Mkhitaryan, por Maignan reagoi siç duhet për t’ia mohuar golin.
Në pjesën e dytë pati më shumë raste dhe të dyja ekipet arritën që deri në fishkëllimën e fundit të gjyqtarit të shënojnë nga një gol.
Për të dyfishuar epërsinë e ‘Nerazzurrëve’ u përkujdes Marcus Thuram i cili shënoi një gol të bukur për 2-0 në minutën e 49-të.
Marcus Thuram WHAT A GOAL, WHAT A PLAYER! 🇫🇷⚽️ pic.twitter.com/zMnL5fokgL
— Inter Xtra (@Inter_Xtra) April 22, 2024
Krejt çka ‘Rossonerët’ arritën të bëjnë në këtë takim ishte një gol i shënuar me kokë nga Fikayo Tomori për të ngushtuar rezultatin në 2-1.
🚨🚨| GOAL: Tomori pulls one back!!
— CentreGoals. (@centregoals) April 22, 2024
AC Milan 1-2 Interpic.twitter.com/c5CRB4CkpJ
Deri në përfundim të kampionatit kanë mbetur edhe pesë ndeshje, mirëpo Interi tani do t’i luajë ato vetëm sa për statistika.
