Intensifikohet Parafushata – Arbër Ismajli prezanton ekipin, Fatos Ramadani, njëri nga ta – proklamon “boom” në sportin gjilanas…
Kandidati për postin e kryetarit të Komunës së Gjilanit, Arbër Ismajli kandidat I LDK-së, nuk po rri duarkryqë në besimin që ka marrë mbi “supe”, për ta rikthyer pushtetin lokal, ndërkohë që ka komponuar ose ëhstë në fazën përmbyllëse të komponimit të ekipit zgjehdor, me të cilët do të garoj në zgjedhjet e 12 tetorit.
Në vazhdën e prezantimeve, Ismajli ka publikuar një postim ku prezanton njërin nga kandidatët e LDK-së për anëtar të Kuvendit Komunal, njëherit personalitet që vjen nga bota e sportit, I njohur në Gjilan e gjetiu si pjesë emenaxhmentit të njërës nga skuadrat e qytetit.
“Të nderuar qytetarë: Fatos Ramadani është shembulli më i mirë i gjeneratës së re që beson në ndryshim dhe në punë të ndershme. I rritur me vlera të shëndosha familjare, njerëzore e shoqërore, ai vjen për të dhënë kontributin e tij në shërbim të qytetit”, ka shkruar z. Ismajli.
Ai ka nënvizuar se Fatos Ramadani do të jetë vlerë e shtuar pasi sipas tij, “vjen me ide të qarta dhe vizion progresiv, dhe njëherit synon të jetë pjesë aktive e vendimmarrjes për një Gjilan më të mirë e më progresiv”.
Ndërsa vet Fatos Ramadani, në një video të realizuar, ka pasqyruar qëndrimin, synimet, ambiciet dhe fokusin e angazhimeve të tij në strukturën e ardhshme të institucionit kryesorë në Gjilan, Kuvendin Komunal.
“Angazhim me përkushtim, deri në realizimin e kërkesave të komunitetit. Përfaqësim dinjitoz për të gjithë qytetarët. Përkushtim maksimal për problemet dhe lërlesat e të gjitha klubeve të qytetit, duke u bazuar në përvojën time 10-vjecare”, ka thënë mes tjerash në deklaratën e tij promocionale.
