Impresive! Çifti nga Lugina doktorojnë në të njejtën ditë në Universitetin e Zagrebit
Kohë më parë, në Fakultetin e Arkitekturës të Universitetit të Zagrebit në Kroaci, çifti nga Bujanoci, Zejnulla Rexhepi dhe Safete Veliu Rexhepi, kanë mbrojtur temat e doktoratave dhe kanë marrë tituj “Doktor i/e shkencave të arkitekturës”.
Zejnulla Rexhepi, para komisionit tre anëtarësh të përcaktuar nga Senati i Universitetit të Zagrebit, me shumë sukses, më 19 shtator mbrojti temën e disertacionit me titull: “Kriteret urbanistike për planifikimin e hapësirave publike në pronësi private”, ndërsa edhe Safete Veliu Rexhepi po në të njejtën ditë, me shumë sukses, para komisionit vlerësues, mbrojti temën e disertacionit: “Atributet arkitekturore të banesave të ndërtuara në Prishtinë nga viti 2000 deri në vitin 2021”.
Çifti jashtëzakonisht i suksesshëm njihet për punën e tyre akademike në fushën e arkitekturës, meqë të dy – Zejnullahi dhe Safetja – lëgjerojnë në njërin nga kolegjet private në Prishtinë dhe janë të angazhuar me punë si inxhinierë profesionistë në institucine publike dhe ato private.
Vlenë të theksohet se Zejnullahu dhe Safetja kishin përfunduar vite më parë edhe studimet postdiplomike (Master), në të njejtën ditë!
Karakteristikë e çiftit me prejardhje nga Lugina e Preshevës është që studimet e shkallës së tretë I përfunduan brenda një afari kohor relativisht të shkurtër, ndërsa janë studentët e parë të gjeneratës së vitit 2020, që përfunduan studimet e doktoratës në Fakultetin e Arkitekturës në Zagreb.
https://www.facebook.com/ValiRanchResort/videos/1312378360129301
Kujtojmë që, Zejnulla Rexhepi, është i lindur në Bujanoc, kurse bashkëshortja e tij, Safete Veliu -Rexhepi, është e lindur në Preshevë dhe nga data 19 shtator, që të dy, janë doktor shkence në sferën e arkitekturës.
Ky sukses i Zejnës dhe Safetës, është sukses i të gjithë shqiptarëve të Luginës së Preshevës dhe më gjerë.
