I shoqëruar nga Oxlade-Chamberlain, por ende jo gati për lojë – Milot Rashica pritet ngrohtësisht në stadium nga tifozët e Besiktasit
Milot Rashica është lojtari më i ri i Besiktas, ku sot ka qenë prezent në stadiumin e klubit turk, ku është pritur ngrohtësisht nga tifozët.
Besikas po luan ndaj Nefchi Baku në ndeshjen kthyese të Ligës së Konferencës, ndërsa përballjen e parë e ka fituar me rezultat 3-1.
Para se të fillonte takimi Rashica doli në fushë, duke i përshëndetur tifozët që ishin në stadium, të cilët e pritën ngrohtësisht.
Ai nuk është gati për këtë ndeshje, ndërsa ishte i shoqëruar nga ylli anglez Alex Oxlade-Chamberlain.
Besiktas tashmë e ka regjistruar Rashicën dhe do të jetë gati për ndeshjen e radhe të klubit turk.
‘Shqiponja’ do të paguajë te Norwich një tarifë totale prej 5.250.000 euro për katër sezone, duke filluar nga sezoni 2023-2024.
