Hulk Hogan, legjenda amerikane e mundjes, ndërron jetë në moshën 71-vjeçare
Hulk Hogan, një nga yjet më të njohur të mundjes amerikane, ka ndërruar jetë në moshën 71-vjeçare, ka konfirmuar World Wrestling Entertainment (WWE).
Ylli i ringut, i lindur me emrin Terry Gene Bollea dhe i njohur për flokët e verdhë të gjatë dhe mustaqet karakteristike, ndërroi jetë në shtëpinë e tij në Florida të enjten.
Hogan e nisi karrierën e tij profesionale në mundje në vitin 1977, por fitoi famë të madhe pasi nënshkroi me World Wrestling Federation (WWF), siç quhej atëherë, në vitin 1983.
Ai ishte një nga figurat më të spikatura në kohën kur popullariteti i mundjes shpërtheu në SHBA dhe më vonë u bë i njohur edhe për reality show-n e tij “Hogan Knows Best”, i cili u transmetua në VH1 nga viti 2005 deri në 2007.
Analizë: Momente të lavdishme dhe sfida në jetën e Hulk Hogan
Kohët e fundit, Hogan ishte një mbështetës i zëshëm i presidentit amerikan Donald Trump.
Menaxheri i tij, Chris Volo, i tha NBC Los Angeles se wrestleri pësoi arrest kardiak në shtëpinë e tij në Clearwater, Florida, dhe ndërroi jetë i rrethuar nga familja.
