Hogosht: KF Kika ndërpret bashkëpunimin me trajnerin Sedat Pajaziti, ‘sebep’ rezultatet e dobëta
Klubi i Futbollit Kika nga Hogoshti, që bënë gara në ligën e parë, grupi “B”, ka njoftuar se ka ndërprerë bashkëpunimin me trajnerin Sedat Pajaziti.
Sipas njoftimit, deri te ndërprerja e bashkëpunimit ka ardhur si rrjedhojë e rezultatetve të shënuara, e që sipas njoftimit lënë për të dëshiruar deri në këtë fazë të edicionit 2023/2024, në ligën e parë të Futbollit të Kosovës.
“Klubi Futbollistik KIKA në mbledhjen urgjente të mbajtur sot më datën 09. 10. 2023 pas rezultateve negative në fillim të kampionatit vjeshtor, ( një fitore dhe shtatë humbje), duke përfunduar në tabelë të fundit me vetëm 3 pikë, merr vendim që ta ndërpres bashkëpunimin me kryetrajnerin Sadat Pajaziti”, thuhet në njoftim.
KF Kika e ka falënderuar trajnerin Pajaziti për angazhimin e tij gjatë periudhës sa ishte në krye të bankinës së klubit.
