Heqja e vizave para janarit 2024, presidentja falënderon Çekinë

Republika e Çekisë ka arritur ta bëjë atë që s’kanë mundur as Franca e as Gjermania.

Përgjatë 6 muajve në krye të presidencës së BE-së, Praga zyrtare ka arritur që ta avancojë në mënyrë të jashtëzakonshme procesin e liberalizimit të vizave për kosovarët.

Për gjithë punën e bërë, presidentja Vjosa Osmani ka falënderuar kryeministrin çek, Peter Fiala, për punën e bërë në avancimin e Kosovës në rrugën drejt Bashkimi Evropian.

“Duke qenë se Republika e Çekisë përmbyll presidencën e Këshillit Evropian, Unë dua ta falënderoj kryeministrin Peter Fiala për lidershipin e pashoq të Çekisë në ndihmesën që Kosova të lëviz përpara në rrugën evropiane. Pres ta vazhdojmë bashkëpunimin tonë të shkëlqyeshëm”, ka shkruar Osmani.