Hapet Zyra për të Huaj në Gjilan – lehtësim i madh për qytetarët e Luginës dhe rajoneve kufitare
Më datë 16.03.2026, në Gjilan është hapur Zyra për të Huaj, një shërbim i ri që u mundëson qytetarëve nga Presheva, Medvegja, Bujanoci dhe rajonet kufitare të Maqedonisë së Veriut të aplikojnë për lejeqëndrim pa u detyruar të udhëtojnë larg – shkruan TV Gjilani.
Kjo zyrë funksionon në kuadër të Ministrisë së Punëve të Brendshme të Kosovës dhe është mirëpritur gjerësisht nga qytetarët, të cilët prej tre vitesh kishin kërkuar hapjen e saj.
Hapja e zyrës është një ndihmë e jashtëzakonshme për banorët e Luginës së Preshevës, si në aspektin kohor, duke shmangur udhëtimet e gjata, ashtu edhe në aspektin ekonomik.
Ky shërbim i ri synon të lehtësojë procesin e aplikimit për lejeqëndrim dhe të ofrojë një qasje më të shpejtë dhe më të sigurt për qytetarët e zonave përreth.
