Hapa konkretdrejt progresit konkret të politikës anti-doping
Ka nisur sot punëtoria për edukimin e zyrtarëve për kontrollën e anti dopingut në Kosovë, e cila po organizohet nga Agjencioni për Anti-Doping në Kosovë (KosADA), dhe e cila po mbështetet nga KOK dhe MKRS.
Me intensitet të lartë dhe me angazhim gjithëpërfshirës po vazhdon puna drejt funksionalizimit të Agjencisë Anti-Doping në Kosovë. Nga sot, për 3 ditë radhazi, do të mbahet punëtoria me qëllim ngritjen e kapaciteteve të zyrtarëve për kontroll të dopingut, shkruan faqja zyrtare e MKRS-së.
Në fjalën hapëse, presidenti i KOK-ut, Ismet Krasniqi dhe zëvendësministrja e MKRS-së, folën për rëndësinë e kësaj punëtorie dhe fuqizimin e integritetit të sistemit sportiv, tek komuniteti ynë i sportit.
Në kuadër të këtij aktiviteti do të ketë prezantime me ekspertë të anti-dopingut nga Sllovenia dhe Turqia teksa në hapjen e sotme mori pjesë zëvendësministrja Daulina Osmani, kryetari i KOK-ut, Ismet Krasniqi, Koordinatori i Komisionit për Anti-Doping, Bernard Tahirbegolli, dhe zyrtarë tjerë.
