Granit Xhaka i rreket një pune të re, jashtë futbollit – botës së modës!
Ylli i futbollit Granit Xhaka ka filluar një punë të re. Ai së fundi i është rrekur botës së modës, shkruan medium zviceran “20 minuta”.
Reprezentuesi i Zvicrës me origjinë nga Kosova, Granit Xhaka dhe Jojo Ucan, e kanë bërë një koleksion të ri të veshjeve ku përfshihen pantollonat, bluzat si dhe kapelat, çmimet e të cilave varirojnë nga 89 deri 149 franga zvicerane.
Kapiteni i kombëtares së Zvicrës, Granit Xhaka aktualisht luan për Bayern Leëerkusenin.
Xhaka: “Është vërtetë emocionuese për mua të bëjë diçka jashtë botës së futbollit.”
Themelimi i kompanisë u njoftua gjatë Kampionatit Botëror në Katar 2022, ndërsa Xhaka doli publikisht me një deklarim të tij së fundi, duke paralajmëruar finalizimin e brendit të ri të përbashkët me partnerin e ortakërisë biznesore!
“Jam shumë i emocionuar që pas një pune të madhe dhe planifikimi të gjatë, më në fund mund t’i nxjerrim rrobat në treg. Është vërtetë emocionuese për mua të bëj diçka jashtë botës së futbollit”, ka deklaruar Xhaka.
“Graniti dhe unë donim të dizajnonim veshje të rehatshme, me një prerje moderne, e të cilat mund t’i veshni në të gjitha situatat e përditshme, qoftë në punë, në rrugën apo në një festë”, tha partneri i tij i biznesit, Jojo Ucan.
