Gjuajtje me armë në sheshin “Skënderbeu”, Policia jep detaje
Një gjuajtje me armë zjarri ka ndodhur në sheshin “Skënderbeu”, ku mbahet festivali “Akull n’Verë”.
Rastin për medie e ka konfirmuar zëdhënësja e Policisë, Florie Ahmeti. Sipas saj, s’ka të lënduar dhe se personi i dyshuar është arrestuar.
“Sot rreth orës 22:40 kemi marrë informatën për të shtëna me armë zjarri, në sheshin “Skenderbeu”në Prishtinë. Njësitet policore menjëherë kanë dalë në vendin e ngjarjes, ku kanë arrestuar personin e dyshuar dhe kanë sekuestruar një armë. Nuk raportohet për persona të lënduar. Aktualisht hetuesit policorë kanë nisur një hetim lidhur me rrethanat e këtij rasti”, ka thënë Ahmeti.
