Gjilan: Vjedhje si në film! – hajnat ndërpresin rrymën dhe thyhen tri shtëpi
Një vjedhje e organizuar, të cilën banorët e përshkruajnë “si në film”, ka ndodhur mbrëmjen e djeshme në Gjilan, në rrugën Qibrije Alidemaj Haziri.
Sipas mediave, mësohet se hajnat kanë ndërprerë fillmisht energjinë elektrike në lagje dhe më pas kanë hyrë në veprim, duke thyer dhe grabitur tri shtëpi.
Ngjarja raportohet të ketë ndodhur në periudhën kohore rreth orës 19:00 – 20:00.
Pronat e goditura kanë pësuar dëme materiale, ndërsa vlera e pronave të marra dhe dëmeve të shkaktuara bëhet rreth 10,000 euro, sipas vlerësimeve paraprake të banorëve. /Indeksonline
