Gjilan: Sot nis festivali i dramës shqipe ‘Talia e Flakës 2024′
Me shfaqjen “Kopshti i hijeve” me temë për masakrën e kryer ndaj familjes Bogujevci në Podujevë nga forcat serbe në luftën e fundit në Kosovë, nis sot në Gjilan, edicioni i 33-të i Festivalit të Dramës Origjinale Shqipe, “Talia e Flakës”.
Festivali “Talia e Flakës” mbahet në kuadër të manifestimit mbarëkombëtar multikulturor, “Flaka e Janarit” që po mbahet në Gjilan.
Në edicioni i sivjetmë të “Talisë së Flakës” do të prezantohen 6 trupa teatrale me shfaqje: “Kopshti i hijeve” e Teatrit të Gjilanit; “Shtëpia e Zotit”, koproduksioni i Teatrit Kombëtar të Kosovës atij të Tiranës dhe Teatrit Shqiptar të Shkupit; “Grafitet”, prodhim i Teatrit të Preshevës; “Hana po fluturon” e Teatrit të Ferizajt; “Arbri” e Teatrit “Oda” dhe shfaha “Club Albania” e TKK-së.
Cmimet e festivalit të sivjemë, sipas organizatorit, do të publikohen në fund të manifestimit, në Gala Mbrëmje Ceremoniale të “Flaka e Janarit 2024”.
