Gjilan: Premiera e shfaqjes “Djali” emocionoi publikun me dramën familjare e lojën briliante të ekipit
Shumë histori njerëzore në kohët e sotme mbulohen me fasada! E bashkë me to edhe ato të familjeve. Në shumë raste zhveshja nga mbulesat e paqena vjen si rrufe e fortë!
E shfaqja “Djali” në Teatrin e qytetit në Gjilan e zbërthen pikërisht kompleksitetin e marrëdhënieve në familje. Nxjerr në pah brishtësinë e komunikimit midis anëtarëve të familjes,
Me autor francezin Florian Zeller e nën regji të Erson Zymberit, shfaqja u prezantua para audiencws sw Gjilanit me ketë premierën në Teatrit e Qytetit në Gjilan.
Me aktorë Kushtrim Qerimin, Yzeir Mehën, Safete Mustafa-Baftiun, Tringa Hasanin e Florent Salihun, shfaqja do të kthejë vëmendjen te familjet e kohës moderne.
Sipas përshkrimit që ia bën ekipi i shfaqjes me producent Ernest Zymberin, “Djali” është historia e një familjeje në krizë. Është produksion i pavarur, projekt i mbështetur financiarisht nga MKRS, e që sipas përshkrimit “Është një thirrje që shkon përtej zërit të zakonshëm të skenës, e cila kërkon të zbulojë ato dhimbje të thella që fshihen pas formave apo fasadave të heshtura të familjeve moderne”.
Nikolas, që njëherit është protagonisti – personazhi kryesor në shfaqje, një djalë adoleshent që fillon të tregohet i tërhequr dhe i shqetësuar psikologjikisht, e të cilin prindërit e tij biologjik përpiqen ta ndihmojnë, derisa përballen njëkohësisht me sfida të brendshme të familjes së re, krahas dinamikës komplekse të imponuar nga marrëdhëniet mes tyre, duke trajtuar me kujdes periudhën pas divorcit të qiftit dhe martesës/bashkëjetesës së re të babait të Nikolasit me një grua tjetër.
“Shfaqja eksploron dhëmbjen, humbjen dhe përpjekjet për të kuptuar dhe për të mbështetur ata që vuajnë në heshtje”, shkruhet në shpjegim.
“Me një ndërtim emocional të fuqishëm, përvec dramës familjare shfaqja trajton njëherit edhe çështjet e rëndësishme të shëndetit mendor, ndërsa thekson rolin dhe përgjegjësinë e prindërve”, u tha për media, lidhur me projektin teatror të mbështetur nga Ministria e Kulturës.
Projekti solli para auditorit atë që në gjuhën e skenës njihet si “Katarsis”, pas një periudhe të gjatë kohore që i kishte munguar një shfaqje e këtij lloji, e cila përvec familjare është edhe dramë psikologjike, dhe si e tillë i ka munguar një periudhë të gjatë repertorit të teatrit të Gjilanit.
