Gjilan: Policia dënon qytetarin para shtëpisë, shkaku i drunjve të dimrit!
Gjilan -13 gusht 2021 – Burhan Dauti nga lagjia “Sadullah Brestovci” në Gjilan, ka shfaqur pakënaqësin e tij pasi është dënuar me 300 Euro para shtëpisë, nga Inspektorati Policor, për shkak që i është dashur të zbrazë drunjtë për përgatitje me kohë për sezonin e dimrit.
Ai madje ka shfaqur hapur pezmin e tij, i bindur se policia ka tejkaluar kompetencat dhe autorizimet, pasi është dënuar edhe me një gjobë tjetër me 50 euro pasi nuk e ka pasur letërnjoftimin me vete, ndonëse ka qenë para shtëpisë së tij.
Një aksion i policisë sot është vërejtur përgjatë gjithë rrugës “Sadullah Brestovci”, ndërsa mësohet jozyrtarisht se janë shqiptuar edhe dënime tjera.
