Gjilan: Nxënësit e “Musa Zajmit” vizitojnë Shkollën e Mesme Teknike “Mehmet Isai”, në funksion të orientimit në karrierë
Nxënësit e Shkollës së Mesme të Ultë “Musa Zajmi” në Gjilan, kanë vizituar Shkollën Profesionale “Mehmet Isai”, ku janë njohur nga afër me programet që ofron ky institucion arsimor.
Në kuadër të bashkëpunimit reciprok të filluar kohë më parë nga DKA në Gjilan, e në funksion të sensibilizimit të mirëfilltë të nxënësve për orientim në karrierë, menaxhmenti i shkollës “Musa Zajmi” në Gjilan, së bashku me nxënësit e klasave të IX-ta, kanë vizituar Shkollën Teknike “Mehmet Isai” në Gjilan.
LEXO EDHE: Konkurs për plotësimin e vendeve të lira të punës në shëndetësi
Kjo vizitë është realizuar në funksion të njohjes nga afër të nxënësve të kësaj shkolle me programet dhe drejtimet që ofrohen nga shkolla profesionale “Mehmet Isai”.
“Vizitë në Shkollën e Mesme Teknike ”Mehmet Isai”,me nxënësit e klasave të IX-ta,njoftim për orientim në karrier!”, thuhet veç tjerash në njoftimin e faqes zyrtare të shkollës “Musa Zajmi”.
