Gjilan: Një banesë te “Tregu i gjelbër”, përfshihet nga zjarri, raportohet për një viktimë!
Sot në orët e hershme tw paradites, në lagjen “Tregu i Gjelbër” në Gjilan, një banesë është përfshirë nga zjarri. Sipas informatave jozyrtare bëhet e ditur për një viktimë.
“Sot në Gjilan, te tregu i gjelbër, mori flakë një banesë. Sipas burimeve banesa ka vetëm një hyrje – dalje, ndaj banorët e saj janë detyruar të evakuohen nga dritaret”, njofton lexuesi.
Identititeti i viktimës nuk është bërë i ditur deri më tani. Pritet që për këtë të mësohet së shpejti nga organet gjegjëse, policia etj, përmes njoftimit zyrtar.
Evakuimi i banorëve rezidentë në banesë ka ndodhur me ndihmën që u është ofruar banorëve, sic mund të shihet nga video, nga kompania KEDS, që na e ka dërguar lexuesi.
Në vendin e ngjarjes kanë dalur Policia dhe Zjarrëfikësit të cilët kanë intervenuar, ndërsa sic mund të shihet nga video, numri i frekuentuesve ka qenë mjaft i madhë në afërsi të banesës. Kjo pasi sot në Gjilan ëshët ditë tregu dhe banesa e përfshirë nga zjarri është në afërsi, vetëm disa metra nga Tregut i Gjelbër.
