Gjilan: Nënkryetarja e komunës Leonora Morina Bunjaku priti në takim drejtorin e projektit Stephen Carpenter nga USAID
Nënkryetarja e Komunës së Gjilanit, Leonora Morina Bunjaku, sot priti në takim drejtorin e projektit, Stephen Carpenter nga USAID.
Në takim u diskutua për bashkëpunimin e deritanishëm dhe mundësitë për fuqizimin e tij në periudhën në vazhdim, duke bërë përpjekje për të përmirësuar edhe më shumë sistemin e kontrollit të brendshëm në menaxhimin e financave publike si dhe për vazhdimin e përpjekjeve për të përmirësuar edhe më tej transparencën, si dhe përfshirjen e qytetarëve dhe qeverisjen e hapur në Komunën e Gjilanit.
Sipas nënkryetares Morina-Bunjaku, në takim u diskutua edhe për mundësinë e përbashkët për anëtarësimin e Komunës së Gjilanit në “Partneriteti i Qeverisë së Hapur Lokale – Open Government Partnership Local (OGP Local)”.
Ajo ka bërë me dije poashtu se anëtarësimi i komunave të Kosovës në OGP Local ka shumë benefite potenciale për qeverisjen lokale dhe komunitetet lokale.
