Gjilan: Krerët e Komunave – sektori Lindje, shënojnë Festën e Flamurit, mëtojnë “ura lidhëse” kundruall “mureve ndarëse”
Me iniciativë të kryetarit të Gjilanit, Alban Hyseni, është mbajtur në këtë komunë një takim i përbashkët me Kryetarë, Nënkryetarë, Kryesues të Kuvendeve e këshilltarë komunalë të Kosovës Lindore.
LINKU – Reportazhi nga takimi i zyrtareve institucional te 5 komunave
https://www.facebook.com/TVGjilani/videos/455542693324595
Kreu i Gjilanit është shprehur i kënaqur me organizimin dhe mesazhin që doli nga takimi vëllazëror.
“Shumë i lumtur që në prag të 110 vjetorit të Pavarësisë së Shqipërisë, festës së 28 Nëntorit, u mblodhëm bashkë me përfaqësues të shumtë të trojeve shqiptare, në Gjilan”, tha Hyseni.
Kryetari Hyseni më tej ka theksuar në takimet e këtij formati janë të rëndësishme për domosdonë e thellimit të bashkëpunimit mes komunave dhe shkëmbimeve të eksperiencave të qeverisjes lokale.
“Me qëllim të thellimit të bashkëpunimit ndërkomunal dhe shkëmbimit të praktikave e eksperiencave më të mira, Kryetarë, Nënkryetarë, Kryesues e këshilltarë të kuvendeve nga komunat e rajonit Lindje na nderuan me prezencën e tyre dhe gatishmërinë për bashkëpunim në përmirësimin e vetëqeverisjes lokale”, tha ai duke konstatuar domosdonë e takimeve të këtij lloji, me moto: “Të ndërtojmë ura lidhëse e të thyejmë muret ndarëse!”
