Gjilan: – DKA angazhon logopedë, drejtoresha Demiri e cilësonë “nismë të mbarë”
DKA në Gjilan ka angazhuar logopedë për nevojat e shkollave, konform trendit dhe domosdosë si imperativ i kohës.
Drejtoresha Albana Demiri e ka cilësuar nismë të mbarë për shkollat e Gjilanit në shërbim të fëmijëve e nxënësve të të gjitha niveleve.
“Drejtoria Komunale e Arsimit po vazhdon me projekte të mira për fëmijët”, ka thënë ajo, shkruan TV Gjilani, duke iu referuar postimeve në faqen zyrtare të DKA-së.
Drejtoresha Demiri më tej, po aty, ka theksuar se pas rezultateve të larta të arritura në aktivitete të ndryshme, po e vazhdohet me projektin me logopedë nëpër shkolla.
“Jemi zotuar që do të kujdesemi për çdo fëmijë, pa dallime, për zhvillimin e tyre sa më të mirë”, ka shtuar znj. Demiri, drejtore e DKA-së.
